1988tik, Convention Bureaua Donostia San Sebastián Turismoaren departamentu espezializatua da —Donostiako Udalaren elkartea—, eta 300 tokiko enpresa baino gehiagok osatutako sare profesional sendoa du.

Helburua da prozesuaren fase bakoitza erraztea —hautagaitzatik ekitaldiaren ospakizunera arte—, eta, aldi berean, hiria bileren helmuga gisa proiektatzea. Ezagutu jarraian eskaintzen diren zerbitzuak:

Doako eta inpartziala den aholkularitza, antolatzaile bakoitzaren eta ekitaldi-motaren beharretara egokitua.

Hautagaitza-dosierrak prestatzea, Donostia kongresu eta topaketa profesionaletarako egoitza ezin hobe gisa aurkezteko.

Funtsezko eragileen arteko bitartekaritza, antolatzaileak Donostia San Sebastián Turismoari lotutako erakunde, tokiko enpresa eta entitateekin konektatuz.

Ikuskapen-bisiten antolaketan laguntza, bisita teknikoen programa eta tokiko eragileekin bilera-agendak koordinatuz.

Ekitaldi profesionalen hedapena, haien ikusgarritasuna handituz ospatu aurretik, bitartean eta ondoren.

Ondare positiboa sortzen laguntzea, ekitaldi bakoitzak lurraldean eragin baikor eta iraunkorra utz dezan bultzatuz.

Tokiko sustatzaileei aitorpena, Enbaxadore Programaren bidez, ekitaldi profesionalak erakartzen egindako ekarpena balioan jarriz.