Hiria MICE helmuga (Meetings, Incentives, Conferences and Exhibitions) gisa sustatzen du, eta doako eta inpartziala den zerbitzua eskaintzen du ekitaldi profesionalen antolatzaileei aholkuak eta laguntza emateko: kongresuak, konbentzioak, empresa-pizgarriak eta bilerak. Helburua prozesuaren fase bakoitza erraztea da, tokiko ezagutza eta gure erakundeari atxikitako 300 tokiko enpresa baino gehiagoren kontaktu-sare espezializatua eskura jarriz.

Enbaxadore Programak publikoki aitortzen du medikuntza, zientzia, teknologia eta unibertsitate-esparruetatik Donostian hautagaitzak bultzatu eta kongresuak antolatzen dituztenen ahalegin pertsonala eta profesionala. Ekimen honek balioan jartzen du haien lanak hirian eta lurraldean sortzen duen eragina, bai ikuspegi ekonomikotik, bai ezagutza zabaltzearen aldetik.

Programaren helburua da, era berean, Donostiaren proiekzio nazionala eta nazioartekoa sendotzea bileretarako helmuga gisa, eta hiriak hartzen dituen ekitaldien hazkunde jasangarria bultzatzea.
2012an sortu zenetik, programak ia 100 profesional aitortu ditu. Haien konpromisoari eta lidergoari esker, kongresuak eta topaketa profesionalak erakartzen laguntzen dute aktiboki. Aintzatespen horren bidez, Donostia San Sebastian Turismoko Convention Bureauk bere lana balioesten du eta ekitaldi estrategikoak erakartzea bultzatzen dutenei ematen dien laguntza indartzen du, hiria ezagutzan eta berrikuntzan erreferente gisa posizionatzea sendotzen baitute.